قبل شراء الـ Baby bottle.. اتعرفي على معلومات مهمة

أول ما هتقرري شراء الـ Baby bottle  هتلاقي نفسك بتواجهي خيارات كثيرة. هيكون قدامك أرفف شراء مليانة بأنواع وأشكال مختلفة وهتسألي يا ترى أختار أي نوع؟ طب أي حجم؟ و إيه أفضل مادة؟ وعشان نقلل الحيرة عليكي خلينا نساعدك بأهم التفاصيل والمميزات والفرق بين الأنواع المختلفة.

اقرأي أيضا: علشان تشتري الـ ” Baby Bottle “الأفضل

إيه هو الوقت المناسب عشان شراء الـ Baby bottle

لو قربت تكوني أم لأول مرة فأكيد بدأتي تشتري حاجات كثيرة عشان تكون جاهزة لاستقبال المولود. ممكن تبدأي في تجهيز الملابس ومستلزمات الحمام والعناية بالجلد. أما بالنسبة لشراء الـ Baby bottle فالأفضل إنك تأجلي الخطوة دي لحد اليوم اللي تقرري فيه اللجوء للرضاعة الصناعية. لأن حتى لو حصلتي على نوع كويس ممكن ما يكونش مناسب لطفلك وغير مريح ليه. وبالتالي هتلاقي نفسك شيلتي أنواع كثير بدون داعي وده ضد قواعد التوفير تماماً.

الخامات المختلفة للـ Baby bottle

ممكن نقول إن في 4 خامات هي اللي ممكن تختاري وتفاضلي ما بينها، وهي البلاستيك، الزجاج، والسيليكون، والفولاذ المقاوم للصدأ. طيب مين فيهم أفضل؟ تعالي نعرف مميزات كل نوع والأختيار الأخير هيكون ليكي:-

الـ Baby bottle المصنوعة من البلاستيك

البلاستيك يتميز إن وزنه خفيف وطبعاً غير قابل للكسر. أما عيوبه فهي إنه مع الوقت بيحتاج للتغيير. لأن البلاستيك بيتعرض للخدوش والشقوق وممكن مع الوقت يكون له رائحة غير محببة.

لكن حتى لو قررت تشتري Babay bottle مصنوعة من البلاستيك لازم تتأكدي إنه بلاستيك صحي وخالي من مادة bpa وهي من المواد السامة.

ولازم هنا نقول إن حالياً في أنواع صحية تماماً من البلاستيك وبينصح باستخدامها، لكن بالرغم من ذلك الجمعية الأمريكية لطب الأطفال أصدرت بيان فيه مجموعة من التساؤلات حول تفاعل البلاستيك مع الأغذية المختلفة والحليب. يعني ممكن نقول إن البلاستيك نوع متاح ومفضل لكن بشروط. ومع الوقت لازم تغييره.

الـ Baby bottle المصنوعة من الزجاج

أول ما هتسمعي كلمة  Baby bottle مصنوعة من الزجاج هتتخيلي شكلها وهي بتقع وبتتكسر، لكن دي الأنواع القديمة. حالياً في مجموعة من زجاجات الرضاعة المصنوعة من الزجاج المقوى الغير قابل للكسر.

النوع المصنوع من الزجاج له مميزات كثيرة. أول ميزة هي إن الزجاج خالي تماماً من أي مواد سامة ولا يتفاعل مع الأطعمة المختلفة غير إنه من المواد الصديقة للبيئة. وعلشان كده بنفضل الأنواع دي غير إنها هتعيش معاكي فترة أطول.

السيليكون

ممكن نقول إن السيليكون فيه مميزات الزجاج والبلاستيك. أولاً وزنه خفيف جداً وغير قابل للكسر. ثانياً السيليكون من المواد الصحية ولا تؤدي لأي تفاعل مع المادة الغذائية الموجودة داخله. غير كده هو غير قابل للكسر أو الخدوش.

الفولاذ المقاوم للصدأ Stainless steel

مميزات الـ Baby bottle المصنوعة من الفولاذ المقاوم للصدأ (الاستانليس ستيل) كثيرة جداً. أولاً هي خالية تماماً من مادة Bpa وغير قابلة للكسر وخفيفة الوزن. لكن عيبها الوحيد إنها أغلى نوع ضمن الأنواع الأربعة. غير كده هي غير شفافة وبالتالي مش هتقدري تشوفي كمية السائل الموجود داخلها.

أفكر في إيه وأنا بشتري الـ Baby bottle؟

مش الخامات لوحدها هي الحاجة اللي لازم تفكري فيها. فيه حاجات مهمة من الأساسي إننا نحسبها ومنها:-

• مدى التدفق الخاص بالزجاج. لو إنتِ بترضعي طبيعي من المهم إن حلمة الـ Baby bottle تكون ضيقة وبطيئة التدفق. لأن الطفل لو متعود على الرضاعة الطبيعية فهنا هيكون اتعود على تدفق اللبن البطيء، لكن لو كان تدفق زجاجة الرضاعة سريع ومش محتاج مجهود بالتالي هيبدأ يتجنب لبن الأم ويلاقي إن استخدام زجاجة الرضاعة أسهل.
• قبل ما تشتري زجاجة الرضاعة إتأكدي إنها مصممة بنظام للتهوية. لأن دخول الهواء مع اللبن ممكن يؤدي لإصابة الطفل بالغازات والمغص.
• اشتري الـ Baby bottle اللي حجمها أكبر. أكيد إنت مش عايزة تصرفي فلوس كثير في تغييرها كل شوية. 

أفضل أشكال الـ Baby bottle

اختيار شكل زجاجة الرضاعة مهم جداً لأن على أساسه هتترتب حاجات كتير، زي طرق التنظيف والتخزين، أما الأشكال الأفضل فهي كالآتي:-

• الشكل القياسي، وهو بيكون طويل ومستقيم. الشكل ده بيتيمز بإنه سهل التعبئة والتنظيف.
• من الأشكال الموجودة فيه اللي بيحتوي على زاوية منحنية عند الرقبة. ده يتيح للحليب إنه يتجمع في الجزء وبالتالي الحليب بيوصل للطفل خالي من الهواء. لكن عيوب النوع ده إنه أصعب في عملية التعبئة والتنظيف.
• الـ Baby bottle الواسعة. والنوع ده مصمم عشان يكون محاكي للثدي، بحيث من الممكن تركيب حلمات واسعة وقصيرة داخله.