لو حامل لأول مرة اعرفي إيه أهم ملابس الحمل الضرورية

أول لحظة بتعرفي فيها إنك حامل أكيد هتفكري في حاجات كثير. منها إزاي تحافظي على صحتك وصحة الجنين. إيه هي الأشياء المسموحة والأشياء الممنوعة. هتبدأي تعرفي الأعراض المختلفة اللي هتمري بيها وإزاي تخففي منها. لكن في شيء مهم جداً لازم تبدأي تجهزيه وهو ملابس الحمل الضرورية خلال الفترة دي. أكيد مش هتقدري تلبسي الحاجات القديمة. علشان كدة وإنت بتحضري الجديد تأكدي من وجود القطع التالية.

أهم 5 قطع في ملابس الحمل

بالتأكيد التغيرات اللي بتحصل خلال فترة الحمل من الصعب إنك تلبسي ملابسك العادية. ذلك لأن زيادة حجم البطن يحتاج لملابس لها نوعية خاصة. وفي نفس الوقت في المرحلة دي هتحتاجي ملابس سهلة وتقدري إنك تلبسيها من غير مجهود. كذلك هتلاقي نفسك تلقائياً بتشتري الخامات المريحة. وفي كل الأحوال لازم تتأكدي إنك اشتريتي الملابس دي:-

تيشرت واسع من القطن

نقدر نقول إن التيشرت واحد من أهم ملابس الحمل في كل المراحل. وطبعاً لازم يكون واسع وفضفاض خصوصاً عند منطقة البطن. ويفضل برضه يكون بأكمام طويلة عشان ما تعرضيش جسمك للحرارة والشمس. أما الخامة فمن الأفضل إنها تكون من القطن. اختيار التيشرت هيسهل عليكي كثير لإنه مش بيحتاج كوي وبالتالي هيوفر مجهود كثير. كمان هيكون مناسب في أيام الحر وقادر على امتصاص العرق. أما في الشتا ممكن تزودي عليه كارديجان أو شال.

الكارديجان

من القطع الأساسية اللي لازم تكون عندك. ذلك لإنه سهل اللبس.كذلك هو مناسب للتغيير في درجة حرارة الجسم اللي بتحسي بيها خلال اليوم الواحد. ممكن يكون عندك أكثر من قطعة وتبدلي فيهم على مدى شهور الحمل المختلفة.

بنطلون الحمل

أفضل الخامات اللي ممكن تحصلي عليها لبنطلون الحمل هي بنطلون الحمل الجينز. أهم مميزاته إنه مش بيحتاج للغسيل كثير وبيليق على معظم القطع. كمان هو عملي جداً وبيسهل الحركة. كمان البنطلون بيكون مهم لإنه فضفاض عند البطن ومناسب لكل مراحل الحمل.

البلوزات الواسعة من أفضل ملابس الحمل

البلوزات من أكثر الملابس اللي تقدر تديكي إطلالة أنثوية رقيقة وجميلة جداً. أما في الحمل فهي بتكون مريحة جداً وممكن تليق على حاجات كثيرة. كمان ممكن تلبسيها على بنلطون الحمل علشان تحصلي على راحة معظم الوقت. أما أجمل أشكال البلوزات هي اللي تحتوي على شرائط فوق البطن لإنها بتمنحك إطلالة جذابة جداً.

فستان الحمل

فستان الحمل يعتبر من القطع اللي لا يمكن الاستغناء عنها. ومن حسن الحظ إن في أشكال وأنواع جميلة جداً. فستان الحمل بيتميز إنه مش بيوضح زيادة الوزن أو تفاصيل الجسم بشكل كبير لإنه واسع وفضفاض. ده غير أنه مريح جداً خصوصاً آخر فترات الحمل.

للمزيد: 3 من فساتين الحمل سوف تمنحك إطلالة مختلفة وجميلة

نصائح مهمة قبل شراء ملابس الحمل

قبل ما تشتري ملابس الحمل من المهم إنك تفكري في مجموعة من الحاجات. لذلك تعالي دلوقتي نساعدك تعرفي إيه هي الحاجات دي:-

• من الأفضل شراء القطع المناسبة لكل مرحلة. لإنك مش ضامنة مدى زيادة وزنك. وبالتالي اشتري في الوقت الخاص بيها.
• الملابس القطنية تعتبر من أفضل الملابس في فترة الحمل. لإنها مرحية ومش بتسبب الحساسية. كذلك هي بتمتص العرق وبتديكي إحساس بالراحة طول اليوم.
• ما تدفعيش مبالغ كبيرة في ملابس الحمل زي الفستان أو البنطلون لإنهم هيتم استخدامهم في فترة قصيرة جداً.
• ابعدي عن الملابس المصنوعة من ألياف صناعية لإنها غير مريحة.
• ابحثي عن أفضل عروض التوفير واشتري القطع المناسبة ليكي.

اقرأي أيضا: مواصفات ملابس الحمل الموفرة خطة شراء ملابس الحمل في الوقت المناسب.