وجبات أول أسبوع في رمضان..ازاي تنوعي وتوفري

شهر رمضان قرب وأكيد بدأتي تفكري هتطبخي إيه طول الشهر. لكن مع ارتفاع الأسعار فانت أكيد محتارة ما بين التوفير والتنوع. كذلك مع أهمية التوفير وتنوع الوجبات فكل أم محتاجة تقلل مجهودها علشان تقدر تؤدي الفروض في رمضان من غير تعب. لذلك احنا هنكون معاك وهنقدم لك أفكار لتحضير وجبات أول أسبوع في رمضان. الوجبات سهلة وبسيطة وكمان مناسبة لميزانية البيت.

وجبات أول أسبوع في رمضان

شهر رمضان هو شهر البركة والخير. لكن في نفس الوقت لازم نحرص على تقديم الأكل بمعدل مناسب وصحي. ومن المهم إننا نكون مدركين إن تحضير سفرة كبيرة وعليها أصناف كثيرة بيتنافى تماماً مع قيم رمضان اللي بتدعو للزهد. لذلك ممكن نحضر وجبات بتعتمد على العناصر الأساسية، وفي نفس الوقت تكون بسيطة وتكفي أفراد الأسرة..وده دليلك وجبات أول أسبوع في رمضان بالحلويات والمشروبات كمان.

اليوم الأول

وجبة الفطور

• دجاج مشوي.
• ورق عنب.
• ملوخية.
• شوربة دجاج.
• سلطة خضراء وسلطة طحينة.

المشروبات والحلويات

• كنافة بالزبيب وجوز الهند.
• قمر الدين.
• بلح باللبن.

اليوم الثاني

في اليوم الثاني ممكن نعتمد على وجبة بسيطة وأقل تكلفة، كمان تنفيذها يكون سهل جدا. كذلك من المهم نبدأ في تقليل كمية الحلويات ونستبدلها بالفواكه.

وجبة الفطور

• كبدة اسكندراني بالفلفل الملون والبهارات.
• مكرونة بالدقة.
• سلطة خضراء وسلطة طحينة.
• بطاطس محمرة.

المشروبات والحلويات

• بلح باللبن.
• قطايف.
• فواكه زي البرتقال أو التفاح والموز.

وجبات اليوم الثالث

في اليوم الثالث لرمضان ممكن تحضري وجبة كبيرة تستخدميها على يومين وفي اليوم التالي تزودي عليها.

وجبة الفطور

• مكرونة بشاميل.
• شوربة كريمة.
• فراخ مشوية أو فراخ بانيه.
• خضار سوتيه بدون لحوم.
• سلطة خضراء.
• كول سلو.

المشروبات والحلويات

• خشاف.
• تمر هندي.
• سوبيا.

اليوم الرابع

لو في اليوم الرابع قررتي تحضير وجبة مختلفة ممكن تحضري الوجبة الجاية.

وجبة الفطور

• كشري مصري.
• كفتة مشوية على الجريل أو كباب حلة.
• سلطة.

الحلويات والمشروبات

• كنافة بالكاستر.
• خروب.
• عناب.

اليوم الخامس

في اليوم الخامس من الممكن تحضير وجبة من الأسماك، سوف يكون وقتها المناسب.

وجبة الفطور

• سمك مشوي.
• أرز صيادية.
• سلطة خضراء.
• بطاطس سلطة.
• سلطة طحينة.

المشروبات والحلويات

• أم علي.
• خروب أو كركديه.

اليوم السادس

• صينية رقاق باللحم المفروم أو قطع الدجاج.
• سلطة خضراء أو سلطة كول سلو.
• خضار سوتيه.

الحلويات والمشروبات

• زلابية بالسكر.
• عصير فواكه.

اليوم السابع

• في اليوم السابع من الممكن أن تقومي بعمل تغيير في طريقة تقديم الوجبات. خاصة إن الأطفال هيبدأوا يفكروا في الوجبات الجاهزة. لذلك خليكي جاهزة وحضري الوجبات الجاية.

وجبة الفطور

• بيتزا الدجاج أو اللحم المفروم أو السلامي أو البسطرمة.
• شرائح البطاطس المحمرة.
• سلطة خضراء.
• كول سلو وكاتشب ومايونيز.

الحلويات والمشروبات

• لبن بالبلح.
• قمر الدين.
• رز بلبن.

إذا دلوقتي عندك جدول ممكن تلتزمي بيه خلال الأسبوع الأول. كذلك من الممكن عمل بعض التغيرات لو إنت بتفضلي نوع مختلف من الأكل. لذلك هنقدم لك قائمة بتحتوي على أكلات مختلفة ممكن تقديمها بدل أي أكلة من اللي قمنا بذكرها في النقاط السابقة.

أكلات للأسبوع الأول في رمضان

• سمبوسك بالجبن أو الخضروات أو اللحم المفروم.
• مكرونة نجرسكو.
• أرز برياني.
• بطاطس بيوريه.
• طاجن خضروات باللحم في الفرن.
• ورقة بطاطس باللحم في الفرن.
• كبدة مشوية.
• شوربة كريمة، وشوربة حمص، وشوربة ذرة.
• مسقعة.
• كفتة داوود باشا. كذلك كفتة رز.
• شكشوكة بيض.
• مكرونة بالخضروات وقطع الدجاج.
• فطير باللحم المفروم.
• محشي كرنب، وفلفل.
• خضار زي السبانخ، البازلاء، الفاصوليا البيضا.

للمزيد: ازاي نعود الطفل على الصيام من غير ضغوط؟.