أغرب supplies list حول العالم..طلبات مريبة وغير متوقعة

هل أنت كأم عندك دليل علمي إن العالم قرية صغيرة؟ ما تقوليش لأ، لأن الـ supplies list أثبتت إن مش أولياء الأمور المصريين وحدهم هما اللي بيعانوا. لكن في الحقيقة كل العالم بيعاني من الاختراع ده. ومن الطلبات المريبة والغريبة واللي فعلاً ماحدش يتوقعها.

أغرب supplies list حول العالم

في وقت غير وقتنا ده كان ممكن نكتب أغرب رحلات حول العالم، أو أغرب أحداث حول العالم. لكن الكتابة عن أغرب supplies list حول العالم ده اللي كان خارج نطاق تفكير أي كائن بشري. لإن من المفترض إن المستلزمات المدرسية تكون مجرد مستلزمات تساعد الطفل على التعامل مع اليوم الدراسي بسهولة، لكن الحاجات اللي بقت مطلوبة ممكن تساعد الطفل على البقاء حياً لمدة 100 يوم خارج كوكب الأرض. تعالوا نشوف في أوروبا والدول المتقدمة بيطلبوا إيه؟

ألوان زيت خالية من الجلوتين

من الطبيعي إن يكون في أطفال عندها حساسية ضد الجلوتين في الأكل. لكن ليه ألوان خالية من الجلوتين. وإذا كان متوقع إن الطفل ياكل الألوان يبقى من الأفضل تعيين مشرفين على البحث عن هذا النوع الخرافي من الألوان.

مسطرة على شكل مسدس

في واحدة من المدارس الأوروبية تم طلب مسطرة على شكل مسدس ضمن محتويات الـ supplies list. وهنا تسائل الأهل عن أهمية هذه المسطرة ولحد الآن لم يحصلوا على جواب مفيد.

معجون أسنان

قد يبدو الطلب عادي. لكن في مدرسة من المدارس كان الهدف من جود معجون الأسنان مش مساعدة الأطفال على تنظيف أسنانهم. لكن كان الهدف الأساسي استخدامه لتعليمهم درس عن التنمر. بعد الأطفال ما يفرغوا محتويات العلبة المعلمة هتطلب منهم إدخال المعجون للعلبة تاني. وبكده تقولهم إن الكلمة اللي بتطلع من الفم لا يمكن ترجع. بذمتكم هو فيه تنمر أكثر من كده؟

أقلام المشاعر

وبالرغم من إن تعليم الأطفال وتشجيعهم على وصف مشاعرهم شيء مهم. لكن إننا نطلب إحضار علبة أقلام كل قلم مكتوب عليه شعور معين ده عدم مراعاة لمشاعر الأهل ولا ميزانيتهم. بس المشكلة إنه حصل وتم طلبه من الأطفال.

الكوتشينة

هو الطلب في حد ذاته قد يكون بسيط. لكن الكوتشينة في المدرسة من الأمور المريبة بعض الشيء. أما الهدف منها فهو استخدامها في تعليم الأطفال الكثير من الرياضات العقلية. وهنا لا نملك إلا أن نقول له في خلقه شئون.

تربة زراعية

مثلا مدرسة مدرسة سانت جوزيف الإقليمية الكاثوليكية بيلتسفيل ، ماريلاند. طلبت تربة زراعية. وكان شرح الهدف من وجودها هو تعليم الأطفال الزراعة وفي نفس الوقت مساعدتهم على عمل التجارب العلمية المختلفة.

 supplies list من الجحيم

نشر موقع parent واحدة من الـ  supplies list ووصفها إنها قائمة من الجحيم. ويبدو إن محتوياتها من الحجيم فعلاً وهي كالتالي:-

• عدد من لفات المناديل الورقية لكن المعاد تدويرها بنسبة 100٪.
• 3 علب من مناديل الوجه المضادة للفيروسات (يفضل اللون الوردي)
• زجاجات معقم اليدين لكن شرطها نها تحتوي على العلامة التجارية تجارية تم اختبارها على الحيوانات.
• ستارة دش.
• حبل نايلون.
• أكياس فريزر بسحاب سعة 13 جالون.
• نسخة من شهادة ميلاد الطفل.
• ملف يحتوي على شجرة العائلة.
• قرص مضغوط مختلط يضم 12 أغنية مفضلة لعائلتك تحتوي على كلمة “الشمس المشرقة”.

وهنا لا يحضرنا غير أن نقول أن اللي يشوفك الـ supplies list بتاعة البلاد الأخرى تهون عليه الـ supplies list بتاعة بلده.

للمزيد: الحياة ما قبل السابلايز ليست..ليه يا زمان ماسبتناش أبرياء.